Салық жеңілдіктері
Жеке табыс салығын төлеуден босату
Жеңілдік алуға кімнің құқығы бар?


I, II және III топ мүгедектері, сондай-ақ мүгедек балалар, мүгедек бала он сегіз жасқа толғанға дейін әрбір осындай мүгедек баланың ата-анасының, қорғаншыларының, қамқоршыларының бірі және «Бала кезінен мүгедек» деп танылған адамның өмір бойына әрбір осындай адамның ата-анасының, (қорғаншыларының, қамқоршыларының) бірі.


Жеңілдіктің мәні: аталған тұлғалар ең төменгі жалақының 55 еселенген мөлшері шегінде бір жылдағы табыстары жеке табыс салығынан босатылады


Мақала сілтемесі: ҚР Салық кодексінің 156-бабы, 1-тармағы, 13, 13-2-тармақшалары.
Көлiк құралдарына салынатын салықты төлеуден босату
Жеңілдік алуға кімнің құқығы бар?

Барлық топтағы мүгедектер.

Жеңілдіктің мәні: бiр автокөлiк құралы бойынша - меншігінде мотоколяскалары мен автомобильдері бар (қозғалтқышының көлемі 4000 текше сантиметрден асатын, оған қатысты 2013 жылғы 31 желтоқсаннан кейін уәкілетті мемлекеттік органда тіркеу әрекеттері жүргізілген жеңіл автомобильден басқа) мүгедектер көлік құралдары салығын төлеуден босатылады.

Заңға сілтеме: ҚР Салық кодексінің 365-бабы 3, 5, 6, 7, 8-тармақтары.

Жер салығын төлеуден босату
Жеңілдік алуға кімнің құқығы бар?

Барлық топтағы мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар:
• тұрғын-үй қоры, оның iшiнде, оның жанындағы құрылыстар мен ғимараттар алып жатқан жер учаскелерi;
• үй маңындағы жер учаскелерi;
• Құрылыс алып жатқан жерді қоса алғанда, жеке (қосалқы) үй шаруашылығын жүргізу, бағбандық және саяжай құрылысы үшін берілген жер учаскелері;
• гараждар орналасқан жер учаскелерi бойынша жер салығын төлемейді.

Заңға сілтеме: ҚР Салық кодексінің 373-бабы, 3-тармағы, 4-тармақшасы.

Мүлік салығын төлеуден босату
Жеңілдік алуға кімнің құқығы бар?

I және II топтағы мүгедектер.

Жеңілдіктің мәні: аталған тұлғалар меншік құқығындағы барлық салық салу объектілерінің жалпы құнынан айлық есептік көрсеткіштің (АЕК) 1500 еселенген мөлшері шегінде мүлік салығынан босатылады.

Заңға сілтеме: ҚР Салық кодексінің 403-бабы, 2-тармағы, 3-тармақшасы.
Жылжымайтын мүлікке құқықтарды мемлекеттік тіркегені үшін алым төлеуден босату
Жеңілдік алуға кімнің құқығы бар?

Барлық топтағы мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар жылжымайтын мүлікке құқықтарды және онымен жасалатын мәмілелерді мемлекеттік тіркеу кезінде алым төлеуден босатылады.

Заңға сілтеме: ҚР Салық кодексінің 457- бабы, 2-тармақшасы.
Соттарда мемлекеттік баж төлеуден босату
Жеңілдік алуға кімнің құқығы бар?

Барлық топтағы мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар барлық істер мен құжаттар бойынша соттарда мемлекеттік баж төлеуден босатылады.

Заңға сілтеме: ҚР Салық кодексінің 541- бабы, 12-тармақшасы.

Тегін заң көмегін көрсету
Жеңілдік алуға кімнің құқығы бар?

I және II топтағы мүгедектер.

Жеңілдіктің мәні: судья істі сот талқылауына дайындаған кезде немесе сот істі қараған кезде аталған адамдарды заң көмегіне ақы төлеуден және өкілдік етуге байланысты шығыстарды өтеуден толық босатуға және оларды кәсіпкерлік қызметке байланысты емес даулар бойынша істерді қарау кезінде бюджет қаражаты есебіне жатқызуға міндетті.


Заңға сілтеме: ҚР Азаматтық процестік кодексінің 112-бабы, 1-тармағы, 3-тармақшасы.
Құжаттандыру кезінде мемлекеттік баж төлеуден босату
Жеңілдік алуға кімнің құқығы бар?

Барлық топтағы мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар тұрғылықты мекен-жайын, ҚР азаматтарының паспорттары мен жеке куәліктерін, сондай-ақ шетел азаматтарының Қазақстан Республикасында тұруына ықтиярхатты және азаматтығы жоқ адамның куәлігін тіркегені үшін мемлекеттік баж төлеуден босатылады.

Заңға сілтеме: ҚР Салық кодексінің 546-бабы, 1 және 6-тармақшалары..

Көлік құралын тіркеу кезінде мемлекеттік баж төлеуден босату
Жеңілдік алуға кімнің құқығы бар?

Барлық топтағы мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар автомобильге, автомобиль тіркемесіне және мотокөлікке мемлекеттік нөмірлік тіркеу белгісін беру кезінде мемлекеттік баж төлеуден босатылады

Заңға сілтеме: ҚР Салық кодексінің 546-бабы, 7-тармақшасы

Нотариаттық іс-әрекеттер жасау кезінде мемлекеттік баж төлеуден босату
Жеңілдік алуға кімнің құқығы бар?

Мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар барлық нотариаттық іс-әрекеттер жасаған кезде мемлекеттік баж төлеуден босатылады.

Заңға сілтеме: ҚР Салық кодексінің 542-бабы, 4-тармақшасы

Азаматтық хал актілерін тіркеу кезінде мемлекеттік баж төлеуден босату
Жеңілдік алуға кімнің құқығы бар?

Мүгедектер, сондай-ақ бала кезінен мүгедектердің ата-аналардың бірі.

Жеңілдіктің мәні: аталған тұлғалар азаматтық хал актілерін тіркеу кезінде (растайтын құжаттарын көрсеткен кезде) мемлекеттік баж төлеуден босатылады.

Заңға сілтеме: ҚР Салық кодексінің 543-бабы, 1-тармақшасы
Запись на консультацию
Спасибо! Наш специалист свяжется с Вами в ближайшее время!